Taleh Bağırzadə Qobustandan çıxarıldı
Bakı Ağır Cinayətlər Məhkəməsinin hökmü ilə 20 il müddətinə azadlıqdan məhrum edilən Müsəlman Birliyi Hərəkətını sədri Taleh Bağırzadə 7 ildən sonra saxlandığı Qobustan Qapalı Həbsxanasından 12 saylı Cəzaçəkmə Müəssisəsinə etap edilib.
Bu barədə insan hüquqları müdafiəçisi Rüfət Səfərov deyib .
Onun sözlərinə görə, Taleh Bağırzadə 12 saylı cəzaçəkmə müəssisəsinə daxil olan kimi ağır işgəncələrə məruz qalıb.
İşgəncə vermək üçün qrup yaradılıb və həmin qrupa CÇM-nin Elxan Həsənov adlı vəzifəli şəxsi rəhbərlik edib.
Məlumatda vicdan məhbusunun sağlıq durumunun ağır olduğu, eləcə də aclıq aksiyasına başladığı göstərilir.
Həftənin bazar günü olduğundan Penitensiar Xidmətin mövqeyini öyrənə bilmədik.
