bia.az

SON DƏQİQƏ

Surqutda Qafqazın müsəlman oğulları birlik nümayiş etdirdi...-FOTOLAR

9-09-2019, 20:46

Surqutda Qafqazın müsəlman oğulları birlik nümayiş etdirdi...-FOTOLAR

Bazar günü- sentyabrın 8-də Rusiya Federasiyasının Tümen vilayətinin Xantı-mansiysk dairəsinin mərkəzi olan Surqut şəhərinin “Jemçujina”("İnci") konsert salonunda Şimali Qafqaz sakinlərinin toplantısı keçirilib.

Moderator.az-ın rusdilli İslam saytlarına istinadla verdiyi xəbərdə deyilir ki, Qafqaz xalqlarının nümayəndələri bütün Rusiyaya birlik və qarşılıqlı anlaşmalarını bəyan etmək, həmçinin, regionun iqtisadi və sosial inkişafı sahəsində əməkdaşlığı gücləndirmək üçün toplaşmaq qərarına gəliblər. Xantı-Mansiysk bölgəsində dağıstanlı, çeçen, inguş və digər Qafqaz xalqları kompakt yaşayır. Onların birgə aksiyası son vaxtlar sosial şəbəkələrdə Qafqazda etnik münaqişələrin qızışdırılmasına yönəlmiş çoxsaylı açıqlama və çağırışların yayılmasına cavab olub.
Surqutda Qafqazın müsəlman oğulları birlik nümayiş etdirdi...-FOTOLAR
“Hədəfimiz tarixi və ya digər mövzularda hansısa açıqlamaları müzakirə etmək olmadı. Sadəcə, cəmiyyətə xatırlatmaq istədik ki, biz, çeçenlər, inquşlar, çərkəzlər, dağıstanlılar qədim zamanlardan adətlərimiz, ənənələrimiz və dinimizlə bir-birimizə çox yaxın olmuşuq”-deyə Xantı-Mansiyskdəki Dağıstan milli-mədəni muxtariyyətinin sədri, kikboksinq üzrə 4 qat dünya çempionu Vaqif Abdullayev vurğulayıb.

Qeyd edək ki, Xantı-Mansiyk dairəsində 26 min, Surqut şəhərində isə 4 min nəfərdən çox azərbaycanlı yaşayır.

Xatırladaq ki, son aylarda dünya və Rusiyadakı müəyyən güclər Çeçenistan-İnquşetiya arasındakı sərhəd məsələsi, Ramzan Kadırovun Şeyx Şamil haqda xoşagəlməz fikirləri və s. kimi nəsnələrdən yararlanaraq, Şimali Qafqaz millətləri arasındakı münasibətləri düşmənçilik səviyyəsinə gətirməyə çalışırlar.

Sultan Laçın


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    Eylül 2019    »
PtSaÇrPrCuCtPz
 1
2345678
9101112131415
16171819202122
23242526272829
30 
DÜNYA